2017թ. մայիսին Հայկական Ծրագրեր և Գալիվան ընկերությունների միջև կնքվել է ՀԾ-Վաճառքների կառավարում 6 համակարգի ներդրման պայմանագիր:

   Գալիվան ՍՊԸ-ն հիմնադրվել է 2008թ-ին: Ընկերությունը զբաղվում է մեծածախ առևտրով: ՌԴ-ից և Ուկրաինայից ներմուծվում են շինարարական, գյուղատնտեսական ապրանքներ և սանտեխնիկա: Վաճառքները իրականացվում են ՀՀ տարածքում:

   2015թ-ից ընկերությունը զբաղվում է նաև բանվորական ձեռնոցների արտադրությամբ:

   ՀԾ-Վաճառքների կառավարում 6 համակարգը հնարավորություն է տալիս կենտրոնանալ ընկերության առանցքային հաճախորդների վրա, վերլուծել կատարված բոլոր վաճառքները, գնահատել գնորդների ապագա պահանջները և դրանց համապատասխան պլանավորել սեփական գործունեությունը:

   Համակարգի հիմնական առավելություններն են`

• Վաճառքի գործակալների օրական երթուղիների մշակում ըստ խանութների
• Պատվերների հավաքագրում խանութներից և դրանց առցանց փոխանցում գրասենյակ
• Վաճառքների, առաքումների և վճարումների կազմակերպում և փաստաթղթավորում
• Զեղչերի նկարագրման ճկուն հնարավորություն ըստ ապրանքների, խանութների և գնացուցակների տեսակների
• Գնորդների պարտքերի և դրանց թույլատրելի սահմանաչափերի վերահսկում
• Տվյալների երկկողմանի փոխանակում գրասենյակի հետ
• Վերլուծական հաշվետվությունների ստացում` ըստ վաճառքի գոտիների, պատվերների հավաքագրման և կատարման, կատարված այցերի, իրացումների և առաքումների
• Քարտեզների վրա գործակալների փաստացի և պլանավորված այցերի վերահսկում` գլոբալ տեղորոշման համակարգի (GPS) կոորդինատների միջոցով