2018թ. փետրվարին Հայկական Ծրագրեր և Վեոլիա Ջուր ընկերությունների միջև կնքվել է պայմանագիր, որով նախատեսվում է ներդնել ՀԾ-Ձեռնարկություն համակարգի Ավտոտնտեսություն և Պատվերներ ենթահամակարգերը:

   Վեոլիա Ջուր ընկերությունը 2017թ-ից հանդիսանում է ՀԾ-Ձեռնարկություն համակարգի օգտագործող: Կազմակերպությունում արդեն ներդրված են Հաշվապահություն, Հիմնական միջոցներ, Ապրանքանյութական արժեքներ, Աշխատավարձ և Կադրեր ենթահամակարգերը:

   Նոր ենթահամակարգերի ներդրումը և ինտեգրացիան ընկերությունում արդեն օգտագործվող ենթահամակարգերին հնարավորություն կստեղծի ավտոմատացնել կազմակերպության ներքին գործընթացները:

  ՀԾ-Ձեռնարկություն համակարգի Ավտոտնտեսություն և Պատվերներ ենթահամակարգերը Վեոլիա Ջուր ընկերությանը թույլ կտան իրականացնել՝

• Կազմակերպությունների ավտոմեքենաների և վարորդների մասին տեղեկությունների գրանցում
• Վառելիքի քանակային հաշվառում` ըստ ավտոմեքենաների և վարորդների` ստեղծելով վառելիքի լիցքավորման, ընդունման-հանձնման և ծախսագրման փաստերը
• Ամենօրյա կամ ամփոփ ուղեգրերի հիման վրա նորմայով ծախսվող վառելիքի դուրս գրում, նաև ստանալ վառելիքի գերածախսը կամ խնայումը
• Ավտոմեքենաների պլանավորած նորոգումների հաշվառում` հետևելով նյութածախսերին և կատարված աշխատանքներին
• Նորոգումների վերլուծություն` համեմատելով փաստացի կատարված և նորմաներով պլանավորված նորոգումների պարբերականությունը և վազքաչափերը
• Պահեստի և արտադրության կողմից ապրանքների, պատրաստի արտադրանքի և հումքի նկատմամբ պահանջի վերլուծություն
• Կազմակերպության ներքին ստորաբաժանումների կողմից նյութական արժեքների նկատմամբ պահանջի վերլուծություն
• Ներքին պատվերների ձևավորում
• Ներքին պատվերների հիման վրա գնումների օպերատիվ պլանավորում
• Մատակարարների պատվերների ձևավորում և մատակարարման գործընթացի վերահսկում
• Մատակարարների օպտիմալ ընտրություն` ելնելով մատակարարումների պատմությունից, պատվերների իրականացման արագությունից, տարածքային և այլ արտադրական հայտանիշներից
• Մատակարարումների և վճարումների գրաֆիկների ձևավորում