2018թ. մարտին Հայկական Ծրագրեր և Անդակո ընկերությունների միջև կնքվել է պայմանագիր: Համաձայն այդ պայմանագրի ընկերությունում նախատեսվում է ներդնել ՀԾ-Ձեռնարկություն համակարգի հետևյալ ենթահամակարգերը`

• Հաշվապահություն
• Ապրանքանյութական արժեքներ

   Անդակո ընկերությունը հանդիսանում է մասնավոր ներկրող ընկերություն: Ընկերությունն ունի երկար տարիների փորձ որակյալ սննդամթերքի, ալկոհոլային և ոչ ալկոհոլային խմիչքների ներկրման ոլորտում, և դրանց տարածման մեծ հնարավորություն Հայաստանի ամբողջ շուկայում: Այն համագործակցում է ոչ միայն առևտրի ոլորտի հետ, այլ նաև HoReCa-ի բոլոր ներկայացուցիչների հետ` առաջարկելով նրանց մեծ հնարավորություններ որակյալ տեսականի ստանալու համար:

   Ներդրումը հնարավորություն կտա պատրաստել տարբեր վերլուծական հաշվետվություններ: Համակարգը հիմնված է տվյալների միասնական բազայի վրա, ինչը թույլ կտա ապահովել տարբեր ստորաբաժանումների փոխկապակցված աշխատանքը և արագացնել բիզնես-գործընթացները:

   ՀԾ-Ձեռնարկություն համակարգը Անդակո ընկերությանը թույլ կտա իրականացնել.

• Միջազգային ստանդարտներին համապատասխան ֆինանսական, հարկային հաշվառում վարելու հնարավորություն
• Բազմակողմ ֆինանսական վերլուծություն
• Ֆինանսական և հարկային հաշվետվություններ պատրաստելու հնարավորություն
• Հաշվետվությունների և տպվող տեսքերի կառուցվածքի փոփոխման հնարավորություն
• Պայմանագրային պարտավորությունների կատարման, դեբիտորական և կրեդիտորական պարտքերի վերահսկողություն, ժամկետանց պարտքերի վերլուծություն
• Գործողությունների ամբողջական աուդիտ