2018թ. ապրիլին Հայկական Ծրագրեր և Բաբիլոն լոգիստիկ ցանց ընկերությունների  միջև կնքվել է ՀԾ-Վաճառքների կառավարում 7 համակարգի ներդրման պայմանագիր։

    Բաբիլոն լոգիստիկ ցանց ընկերությունը հիմնադրվել է 2018թ-ի փետրվարին: Ընկերության գործունեության նպատակն է ՀՀ տարածքում լայն սպառման ապրանքների` այդ թվում նաև սեփական արտադրության, իրացման լոգիստիկ համակարգի ստեղծմումը: Բացի այդ, ընկերությունը փոքր և միջին ձեռնարկատիրությամբ զբաղվող անձանց մատուցում է շուկայի զարգացման (նոր արտադրանքի շուկա մուտքի ապահովում, սպառման համար անհրաժեշտ այլ պայմանների ապահովում) ծառայություններ:

   ՀԾ-Վաճառքների կառավարում 7 համակարգը հնարավորություն է տալիս կենտրոնանալ ընկերության առանցքային հաճախորդների վրա, վերլուծել կատարված բոլոր վաճառքները, գնահատել գնորդների ապագա պահանջները և դրանց համապատասխան պլանավորել սեփական գործունեությունը:

  Վաճառքների կառավարում 7 համակարգը Բաբիլոն լոգիստիկ ցանց ընկերությանը թույլ կտա իրականացնել`

• Վաճառքի գործակալների օրական երթուղիների մշակում ըստ խանութների
• Պատվերների հավաքագրում խանութներից և դրանց առցանց փոխանցում գրասենյակ
• Վաճառքների, առաքումների և վճարումների կազմակերպում և փաստաթղթավորում
• Զեղչերի նկարագրման ճկուն հնարավորություն ըստ ապրանքների, խանութների և գնացուցակների տեսակների
• Գնորդների պարտքերի և դրանց թույլատրելի սահմանաչափերի վերահսկում
• Տվյալների երկկողմանի փոխանակում գրասենյակի հետ
• Վերլուծական հաշվետվությունների ստացում` ըստ վաճառքի գոտիների, պատվերների հավաքագրման և կատարման, կատարված այցերի, իրացումների և առաքումների
• Քարտեզների վրա գործակալների փաստացի և պլանավորված այցերի վերահսկում` գլոբալ տեղորոշման համակարգի (GPS) կոորդինատների միջոցով