2018թ. նոյեմբերին Հայկական Ծրագրեր և Արան ընկերությունների  միջև կնքվել է ՀԾ-Վաճառքների Կառավարում  համակարգի ներդման պայմանագիր:

   Արան ընկերությունը հիմնադրվել է 2016թ-ին և հանդիսանում է որպես ներկայացուցչական ընկերություն, որը զբաղվում է ներմուծմամբ, արտահանմամբ, ինչպես նաև` տարբեր կազմակերպությունների մարքեթինգային խորհրդատվությամբ, վաճառքի կազմակերպմամբ և մատակարարմամբ: Ընկերությունը հանդիսանում է Քրաուն Քեմիքալ ընկերության պաշտոնական ներկայացուցիչը Հայաստանում:

   Վաճառքների Կառավարում համակարգը Արան ընկերությանը թույլ կտա իրականացնել`

• Վաճառքի գործակալների օրական երթուղիների մշակում ըստ խանութների
• Պատվերների հավաքագրում խանութներից և դրանց առցանց փոխանցում գրասենյակ
• Վաճառքների, առաքումների և վճարումների կազմակերպում և փաստաթղթավորում
• Զեղչերի նկարագրման ճկուն հնարավորություն ըստ ապրանքների, խանութների և գնացուցակների տեսակների
• Գնորդների պարտքերի և դրանց թույլատրելի սահմանաչափերի վերահսկում
• Տվյալների երկկողմանի փոխանակում գրասենյակի հետ
• Վերլուծական հաշվետվությունների ստացում` ըստ վաճառքի գոտիների, պատվերների հավաքագրման և կատարման, կատարված այցերի, իրացումների և առաքումների
• Քարտեզների վրա գործակալների փաստացի և պլանավորված այցերի վերահսկում` գլոբալ տեղորոշման համակարգի (GPS) կոորդինատների միջոցով