2018թ. նոյեմբերին Հայկական Ծրագրեր և Վեբբ Ֆոնտեն հոլդինգ ընկերությունների միջև կնքվել է պայմանագիր: Համաձայն այդ պայմանագրի ընկերությունում նախատեսվում է ներդնել ՀԾ-Ձեռնարկություն համակարգի Աշխատավարձ և Կադրեր ենթահամակարգերը:

   Վեբբ Ֆոնտեն ընկերության առաքելությունն է պարզեցնել կառավարությունների, ձեռնարկությունների եւ քաղաքացիների աշխատանքը ամբողջ աշխարհում` տրամադրելով տեխնոլոգիա եւ նոու-հաու: Ընկերությունը մասնագիտանում է էլեկտրոնային կառավարման համակարգերի, բիզնես գործընթացների վերազինման եւ առաջատար տեղեկատվական տեխնոլոգիաների միջոցով պետական ծառայությունների կատարելագործման գործում: Ընկերությունը ապահովում է էլեկտրոնային կառավարման ծրագրային ապահովման արտադրատեսակների, էլեկտրոնային մեկ պատուհանների պորտալների, մաքսային ավտոմատացման, տեղեկատվական տեխնոլոգիաների, հեռահաղորդակցության եւ ենթակառուցվածքային ծառայությունների ամբողջական փաթեթ:

   ՀԾ-Ձեռնարկություն համակարգի Աշխատավարձ և Կադրեր ենթահամակարգերը Վեբբ Ֆոնտեն հոլդինգ ընկերությանը թույլ կտան իրականացնել.

• Կազմակերպության անձնակազմի հաշվառում
• Աշխատավարձի հաշվարկ և աշխատավարձից պահվող հարկերի հաշվառում
• Աշխատավարձի և հաշվարկվող հարկերի վերաբերյալ ներքին և հարկային հաշվետվությունների ավտոմատ ստացում
• Աշխատակազմի գծով հրամանների հաշվառում (ընդունման, ազատման, փոխադրման հրամաններ և այլն) և ֆինանսական հրամանների փոփոխություն
• Կազմակերպության հաստիքացուցակի ձևավորում և վարում
• Աշխատակիցների մասին պատմական տվյալների հաշվառում և պահպանում
• Աշխատակիցների արձակուրդայինների գրաֆիկի ձևավորում
• Կադրային տվյալների գաղտնիության պահպանում
• Կադրային հաշվետվությունների ավտոմատացում