2019թ. մարտին Հայկական Ծրագրեր և Բանդիվան կաթ ընկերությունների միջև կնքվել է ՀԾ-Վաճառքների Կառավարում համակարգի ներդրման պայմանագիր:

   Բանդիվան կաթ ընկերությունը  հիմնադրվել է 2007թ․-ին, զբաղվում է օրգանական կաթնամթերքի  արտադրությամբ և վաճառքով։ Կլիմայական պայմանների,  եվրոպական չափանիշներին բավարարող ժամանակակից սարքավորումների, տեխնոլոգիական և սանիտարական միջոցառումների ամբողջության շնորիվ շուկային է ներկայացնում համեղ կաթնամթերք Հայաստանից, որը նվաճել է փորձագետների ամենաբարձր կարծիքը։

   Վաճառքների Կառավարում համակարգը Բանդիվան կաթ ընկերությանը թույլ կտա իրականացնել`

• Վաճառքի գործակալների օրական երթուղիների մշակում ըստ խանութների
• Պատվերների հավաքագրում խանութներից և դրանց առցանց փոխանցում գրասենյակ
• Վաճառքների, առաքումների և վճարումների կազմակերպում և փաստաթղթավորում
• Զեղչերի նկարագրման ճկուն հնարավորություն ըստ ապրանքների, խանութների և գնացուցակների տեսակների
• Գնորդների պարտքերի և դրանց թույլատրելի սահմանաչափերի վերահսկում
• Տվյալների երկկողմանի փոխանակում գրասենյակի հետ
• Վերլուծական հաշվետվությունների ստացում` ըստ վաճառքի գոտիների, պատվերների հավաքագրման և կատարման, կատարված այցերի, իրացումների և առաքումների
• Քարտեզների վրա գործակալների փաստացի և պլանավորված այցերի վերահսկում` գլոբալ տեղորոշման համակարգի (GPS) կոորդինատների միջոցով