2019թ. օգոստոսին Հայկական Ծրագրեր և Գրանթ Թորնթոն Քնսալթինգ ընկերությունների միջև կնքվել է պայմանագիր: Համաձայն այդ պայմանագրի ընկերությունում նախատեսվում է ներդնել ՀԾ-Ձեռնարկություն համակարգի հետևյալ ենթահամակարգերը`

• Հաշվապահություն
• Հիմնական միջոցներ

   Գրանթ Թորնթոն Քնսալթինգ ընկերությունը տրամադրում է մասնագիտական խորհրդատվություն խոշոր ընկերություններին, պետական հաստատություններին, հանրային և մասնավոր հատվածի տարբեր ոլորտի կազմակերպություններին, ազգային և առևտրային բանկերին Հայաստանում և տարածաշրջանում: Ընկերությունը համագործակցում է նաև Միջազգային ֆինանսական հաստատությունների (ՄՖՀ) հետ, ներառյալ՝ Համաշխարհային բանկ, Ասիական զարգացման բանկ, ՎԶԵԲ, Եվրոպական հանձնաժողով, ՄԱԿ-ի գործակալություններ, Գերմանական զարգացման բանկ (KfW) և այլն: Առաջարկվող խորհրդատվական ծառայություններն ընդգրկում են գործարար խորհրդատվության ծառայություններ, որոնք միտված են բարելավելու ընկերությունների գործառնական ցուցանիշներն ու արդյունավետությունը: Մասնագիտական լուծումները ներառում են հետևյալ ոլորտները՝ ֆինանսների կառավարում, արտադրողականության բարձրացում, տեխնիկական ռազմավարություն և կառավարում, փոփոխությունների և ծրագրի կառավարում, իրագործելիության ուսումնասիրություններ; ռազմավարական և բիզնես պլանավորում, մարդկային կապիտալ, և այլն: Ընկերությունը տրամադրում է նաև մասնագիտացված աջակցություն ձեռնարկությունների վերակազմակերպման գործընթացում, ներառյալ բիզնես գործընթացների վերակառուցում, ներդնում է նաև նոր բիզնես ռազմավարություններ և նախագծում կապիտալի նոր կառուցվածքներ:

   Ներդրումը հնարավորություն կտա պատրաստել տարբեր վերլուծական հաշվետվություններ: Համակարգը հիմնված է տվյալների միասնական բազայի վրա, ինչը թույլ կտա ապահովել տարբեր ստորաբաժանումների փոխկապակցված աշխատանքը և արագացնել բիզնես-գործընթացները:

   ՀԾ-Ձեռնարկություն համակարգը Գրանթ Թորնթոն Քնսալթինգ ընկերությանը թույլ կտա իրականացնել.

• Դրամական միջոցների հաշվառում
• Բանկային փաստաթղթերի համակցում ՀԾ-ԻնտերնետԲանկ և ՀԾ-ԿլիենտԲանկ համակարգերի հետ
• Գնորդների հաշվառում` ըստ պայմանագրերի, հաշիվ/ապրանքագրերի և վճարման ժամանակացույցի
• Մատակարարների հաշվառում` ըստ պայմանագրերի, հաշիվ/ապրանքագրերի և վճարման ժամանակացույցի
• Այլ դեբիտորների/կրեդիտորների հաշվառում
• Բազմակողմ ֆինանսական վերլուծություն
• Ֆինանսական և հարկային հաշվետվությունների պատրաստում
• Գործողությունների ամբողջական աուդիտ
• Հիմնական միջոցների քարտարանի հաշվառում
• Հիմնական միջոցների հետ բոլոր գործարքների գրանցում` ձեռքբերումից մինչև լուծարում
• Մաշվածության հաշվարկ
• Կապիտալ և ընթացիկ վերանորոգումների հաշվառում
• Հիմնական միջոցների վերագնահատում, հավելյալ ծախսերի հաշվառում, գույքագրում
• Փաստաթղթերի ստանդարտացված տպվող տեսքերի ստացում