2020թ. մարտին Հայկական Ծրագրեր և Իզի Փեյ ընկերությունների միջև կնքվել է պայմանագիր: Համաձայն այդ պայմանագրի ընկերությունում նախատեսվում է ներդնել ՀԾ-Ձեռնարկություն համակարգի Աշխատավարձ և Կադրեր ենթահամակարգերը:

   Իզի Փեյ ընկերությունը հիմնադրվել է 2014թ-ին: Ընկերությունն ունի նաև էլեկտրոնային վճարային համակարգ՝ իր «Իզի Ոալլեթ» էլեկտրոնային դրամապանակով: Իզի Փեյ ընկերության առաքելությունն է`

• շուկայում մատուցել մասնագիտացված վճարահաշվարկային ծառայություններ, որոնք ուղղված են շահառուների վճարումների կատարման գործընթացն առավել  դյուրին և մատչելի դարձնելուն,
• թողարկել ժամանակակից և տեխնոլոգիապես արդիական վճարային գործիքներ,
• իրականացնել շուկայում արդեն իսկ գործող վճարային գործիքների սպասարկումն՝ միաժամանակ միջազգային փորձի հիման վրա ընդլայնելով առկա ծառայությունների տեսականին:

   ՀԾ-Ձեռնարկություն համակարգի Աշխատավարձ և Կադրեր ենթահամակարգերը Իզի Փեյ ընկերությանը թույլ կտան իրականացնել.

• Կազմակերպության անձնակազմի հաշվառում
• Աշխատավարձի հաշվարկ և աշխատավարձից պահվող հարկերի հաշվառում
• Աշխատավարձի և հաշվարկվող հարկերի վերաբերյալ ներքին և հարկային հաշվետվությունների ավտոմատ ստացում
• Աշխատակազմի գծով հրամանների հաշվառում (ընդունման, ազատման, փոխադրման հրամաններ և այլն) և ֆինանսական հրամանների փոփոխություն
• Կազմակերպության հաստիքացուցակի ձևավորում և վարում
• Աշխատակիցների մասին պատմական տվյալների հաշվառում և պահպանում
• Աշխատակիցների արձակուրդայինների գրաֆիկի ձևավորում
• Կադրային տվյալների գաղտնիության պահպանում
• Կադրային հաշվետվությունների ավտոմատացում