2016թ. հունվարին Հայկական Ծրագրեր ընկերության և Հայաստանյայց Առաքելական Սուրբ եկեղեցու (Մայր Աթոռ Սուրբ Էջմիածին) միջև կնքվել է պայմանագիր: Համաձայն այդ պայմանագրի Հայաստանյայց Առաքելական Սուրբ եկեղեցում (Մայր Աթոռ Սուրբ Էջմիածին) նախատեսվում է ներդնել ՀԾ-Ձեռնարկություն համակարգի բազմամասնաճյուղային տարբերակը հետևյալ ենթահամակարգերով`

• Հաշվապահություն
• Հիմնական միջոցներ
• Ապրանքանյութական արժեքներ
• Աշխատավարձ
• Կադրեր

    Համակարգի ներդրումը թույլ կտա ստեղծել միասնական տվյալների բազա: Բազմամասնաճյուղային տարբերակի ներդրումը հնարավորություն կտա գլխամասում տիրապետել մասնաճյուղերի տվյալներին և վերահսկել նրանց աշխատանքը, ստանալ հաշվետվություններ ինչպես ամբողջ կազմակերպության, այնպես էլ առանձին մասնաճյուղերի գծով:

    ՀԾ-Ձեռնարկություն համակարգը ապահովում է հետևյալ հիմնական ֆունկցիաները`

• Հնարավորություն վարելու հարկային, ֆինանսական հաշվառում` միջազգային ստանդարտներին համապատասխան
• Բազմակողմ ֆինանսական վերլուծություն
• Ֆինանսական և հարկային հաշվետվություններ պատրաստելու հնարավորություն
• Պայմանագրային պարտավորությունների կատարման, դեբիտորական և կրեդիտորական պարտքերի վերահսկողություն, ժամկետանց պարտքերի վերլուծություն
• Գործողությունների ամբողջական աուդիտ