Ուրախությամբ տեղեկացնում ենք, որ ՀԾ-ՄոբայլԲանկ հավելվածը հասանելի է մեր պատվիրատու բանկերից ևս մեկի հաճախորդների համար: Ամերիա բանկը տեղադրել է ՀԾ-ՄոբայլԲանկ հավելվածի սեփական հարմարեցված տարբերակը Google Play և App Store հարթակներում: Բանկի այն հաճախորդները, որոնք օգտվում են ՀԾ-ԻնտերնետԲանկ համակարգից, կարող են պարզապես ներբեռնել հավելվածը սմարտֆոնի մեջ և ստանալ բանկային գործարքները հեռախոսով կատարելու հարմարավետությունը:

ՀԾ-ՄոբայլԲանկ հավելվածն ապահովում է հետևյալ հնարավորությունները`

• Հաշվի մնացորդների և գործառնությունների դիտում
• Պլաստիկ քարտերի մնացորդների (ներառյալ online մնացորդը) և գործառնությունների դիտում
• Վարկերի ընթացիկ վիճակների, մարումների գրաֆիկի և կատարված գործառնությունների դիտում
• Ավանդների ընթացիկ վիճակների և կատարված գործառնությունների դիտում
• Ընթացիկ արտարժույթի փոխարժեքների դիտում
• Բանկի մասնաճյուղերի և բանկոմատների (ցուցակով և քարտեզի վրա) դիտում և փնտրում
• Փոխանցումների (սեփական հաշիվների միջև, նախապես ստեղծված շահառուների ցանկից և ՀՀ տարածքում այլ շահառուի) կատարում
• Արտարժույթի փոխանակումների կատարում
• Կոմունալ վճարումների կատարում
• Վճարումների պատմության դիտում և բոլոր տեսակի վճարումների (ներառյալ ոչ մոբայլ հավելվածում ստեղծվածների) ստորագրում, կատարված վճարումների պատճենում
• Ձևանմուշների դիտում, դրանց հիման վրա վճարումների կատարում և նոր ձևանմուշների ստեղծում
• Մուտքային և ելքային նամակների դիտում
• Նամակների ստեղծում (առանց ֆայլերի կցման հնարավորության)
• Գործողությունների մատյանի դիտում
• Գաղտնաբառի փոփոխում