2015 թվականի հունիսի 18-ին Հայկական Ծրագրեր ընկերությունում տեղի ունեցավ ցուցադրում-սեմինար ՀԾ-Բանկ համակարգում ավելացված առցանց վճարումների հետ կապված նոր հնարավորությունների վերաբերյալ: Սեմինարին ներկայացվեցին`

• Համակարգում ավելացած մոտ 35 տեսակի ծառայությունների` էլեկտրոնային դրամապանակների, մատակարարների և ծառայություններ մատուցող կազմակերպությունների գծով վճարումներ ընդունելու հնարավորությունները, մասնավորապես`

  - հիմնական նպատակները և կիրառման ոլորտը

  - աշխատանքի ընդհանուր սկզբունքները

  - վճարումների ընդունման գործընթացը

  - վճարումների ընդունումը Բանկում և ԻնտերնետԲանկ համակարգի միջոցով

  - ճկուն կարգավորումներ իրականացնելու հնարավորությունները:

• Վարկերի առցանց մարման գործընթացում (առցանց մարում տերմինալների, բանկերի և վճարահաշվարկային կազմակերպությունների միջոցով) ավելացված լրացուցիչ հնարավորությունները:

Ցուցադրմանը մասնակցեցին ՀԾ-Բանկ համակարգի պատվիրատու բանկերի և «Թել-Սել» ընկերության ներկայացուցիչները:

Ցուցադրման ընթացքում համատեղ քննարկվեցին մի շարք հարցեր և առաջարկություններ: Հայկական Ծրագրեր ընկերության կողմից ներկայացվեցին նաև հետագա զարգացման պլանները:

Վերը նշված հնարավորությունները ներառվել են ՀԾ-Բանկ համակարգի V150515 տարբերակի մեջ: