2014թ. դեկտեմբերին Հայկական Ծրագրեր և Լիկա Մետիս ընկերությունների միջև կնքվել է պայմանագիր: Համաձայն այդ պայմանագրի Լիկա Մետիս ընկերությունում նախատեսվում է ներդնել ՀԾ-Վաճառքների կառավարում համակարգը:

Վաճառքների կառավարում համակարգը հնարավորություն է տալիս կենտրոնանալ ընկերության առանցքային հաճախորդների վրա, վերլուծել կատարված բոլոր վաճառքները, գնահատել գնորդների ապագա պահանջները և դրանց համապատասխան պլանավորել սեփական գործունեությունը:

Վաճառքների կառավարում համակարգը ապահովում է հետևյալ հիմնական ֆունկցիաները.

• Վաճառքի գործակալների օրական երթուղիների մշակում ըստ առևտրի կետերի
• Պատվերների հավաքագրում առևտրի կետերից և դրանց առցանց փոխանցում գրասենյակ
• Վաճառքների, առաքումների և վճարումների կազմակերպում և փաստաթղթավորում
• Զեղչերի ճկուն նկարագրման հնարավորություն ըստ ապրանքների, վաճառքի կետերի և գնացուցակների տեսակների
• Գնորդների պարտքերի և դրանց թույլատրելի սահմանաչափերի վերահսկում
• Տվյալների երկկողմանի փոխանակում գրասենյակի հետ
• Վերլուծական հաշվետվությունների ստացում` ըստ վաճառքի գոտիների, պատվերների հավաքագրման և կատարման, կատարված այցերի, իրացումների և առաքումների