2014թ. ապրիլին ավարտվեց ՀԾ-Ձեռնարկություն համակարգի Պատվերներ ենթահամակարգի ներդրումը Յուքոմ ընկերությունում:

Յուքոմ ընկերությունը 2012թ-ից հանդիսանում է ՀԾ-Ձեռնարկություն համակարգի օգտագործող:

Պատվերներ ենթահամակարգի ներդրումը և ինտեգրացիան ընկերությունում արդեն օգտագործվող համակարգին հնարավորություն է ստեղծում ավտոմատացնել կազմակերպության ներքին գործընթացները:

Պատվերներ ենթահամակարգը նախատեսված է ներքին և մատակարարներին պատվերների արդյունավետ կառավարման համար: Այն ապահովում է անհրաժեշտ տեղեկատվություն պաշարների համալրման որոշումները ընդունելու համար:

ՀԾ-Ձեռնարկություն համակարգի Պատվերներ ենթահամակարգը հնարավորություն է ընձեռում իրականացնել`

• Պահեստի և արտադրության կողմից ապրանքների, պատրաստի արտադրանքի և հումքի նկատմամբ ներկայացվող պահանջի վելուծություն
• Կազմակերպության ներքին ստորաբաժանումների կողմից նյութական արժեքների նկատմամբ ներկայացվող պահանջի վերլուծություն
• Ներքին պատվերների ձևավորում
• Ներքին պատվերների հիման վրա գնումների օպերատիվ պլանավորում
• Գնումների պլանավորում հաշվի առնելով պահեստային պաշարների կանխատեսվող մեծությունը և պահուստավորված ապրանքանյութական արժեքների առկայությունը պահեստներում
• Մատակարարների պատվերների ձևավորում և մատակարարման գործընթացի վերահսկում
• Մատակարարների օպտիմալ ընտրություն ելնելով մատակարարումների պատմությունից, պատվերների իրականացման արագությունից, տարածքային և արտադրական այլ հայտանիշներից
• Մատակարարումների և վճարումների գրաֆիկների ձևավորում: